حج سیزن 2026 کے آغاز پر مشاعر مقدسہ میں ماحول کو بہتر بنانے کے لیے بڑے پیمانے پر شجرکاری کی گئی ہے، جس کے تحت 60 ہزار سے زائد درخت لگائے جا چکے ہیں۔
یہ منصوبہ سعودی رائل کمیشن برائے مکہ اور مقدس مقامات کے تحت عمل میں لایا جا رہا ہے، جس کا مقصد عازمین حج کے لیے زیادہ آرام دہ اور پُرسکون ماحول فراہم کرنا ہے۔
گزشتہ سال کے مقابلے میں سبز علاقوں میں نمایاں اضافہ ہوا ہے، جس سے درجہ حرارت میں کمی اور ماحول میں بہتری کی امید ظاہر کی جا رہی ہے۔
حکام کے مطابق میدان عرفات اور دیگر اہم مقامات پر بھی شجرکاری اور سہولیات کی فراہمی جاری ہے، جن میں سایہ دار جگہیں اور آرام کے مقامات شامل ہیں تاکہ حجاج کو بہتر سہولت مل سکے۔