جرمنی میں ملازمین کی بڑھتی غیر حاضری کے پیش نظر حکومت ایک نئی تجویز پر غور کر رہی ہے، جس کے تحت بیماری کے پہلے دن کی تنخواہ کاٹی جا سکتی ہے۔
رپورٹس کے مطابق چانسلر فریڈرچ مرز اس اقدام کے ذریعے یورپ میں سب سے زیادہ غیر حاضری کی شرح کو کم کرنا چاہتے ہیں۔
اعداد و شمار کے مطابق جرمنی میں ملازمین اوسطاً سالانہ 14.8 دن بیماری کی چھٹی لیتے ہیں، جس کے باعث معیشت کو اربوں یورو کا نقصان ہو رہا ہے۔ اس تجویز کا مقصد معمولی بیماری کی صورت میں بھی ملازمین کو کام جاری رکھنے کی ترغیب دینا ہے۔
حکام کا کہنا ہے کہ یہ منصوبہ ابھی زیرِ غور ہے اور اس پر حتمی فیصلہ نہیں کیا گیا۔