ناسا کے آرٹیمس II مشن نے خلا میں نیا سنگِ میل عبور کرتے ہوئے انسان کے زمین سے سب سے دور سفر کا ریکارڈ قائم کر دیا۔ چار خلا بازوں پر مشتمل ٹیم نے اپالو 13 کا پرانا ریکارڈ توڑتے ہوئے 4 لاکھ کلومیٹر سے زائد فاصلے تک رسائی حاصل کی۔
مشن کے دوران اورین خلائی جہاز چاند کے گرد فلائی بائی کر رہا ہے، جہاں خلا باز چاند کی سطح کا مشاہدہ اور اہم معلومات جمع کر رہے ہیں۔ اس کے بعد کیپسول فری ریٹرن راستے کے ذریعے چند دنوں میں زمین واپس آئے گا۔
ماہرین کے مطابق یہ مشن مستقبل میں چاند پر انسانی لینڈنگ کے منصوبوں کے لیے انتہائی اہم پیش رفت ہے، جبکہ کچھ وقت کے لیے خلا بازوں کا زمین سے رابطہ بھی منقطع رہے گا جب وہ چاند کے پچھلے حصے سے گزریں گے۔