سعودی عرب کے موسمیات کے قومی مرکز نے اطلاع دی ہے کہ پیر سے جمعے تک مملکت کے مختلف علاقوں میں درمیانے درجے سے شدید بارش کا امکان ہے۔
ایس پی اے کے مطابق، مکہ مکرمہ، عسیر، حائل، تبوک، الجوف، حدود الشمالیہ اور الشرقیہ ریجن خاص طور پر اس موسمی صورتحال سے متاثر ہو سکتے ہیں۔
قومی مرکز نے شہریوں اور رہائشیوں پر زور دیا ہے کہ وہ متوقع موسمی حالات کے بارے میں ویب سائٹ، سوشل میڈیا چینلز اور ’انوا‘ ایپلی کیشنز کے ذریعے جاری کردہ ہدایات اور الرٹس پر عمل کریں تاکہ کسی بھی ممکنہ خطرے سے محفوظ رہ سکیں۔