امریکی صدر ڈونلڈ ٹرمپ نے ایران کو خبردار کرتے ہوئے کہا ہے کہ آئندہ ممکنہ اہداف میں پل اور پاور پلانٹس شامل ہو سکتے ہیں۔ غیر ملکی میڈیا کے مطابق انہوں نے اپنے بیان میں عندیہ دیا کہ امریکی فوج اب بھی مزید کارروائی کی صلاحیت رکھتی ہے۔
ٹرمپ کا کہنا تھا کہ ایران کی قیادت کو فوری فیصلے کرنے ہوں گے، بصورت دیگر اہم تنصیبات کو نشانہ بنایا جا سکتا ہے۔ اس سے قبل بھی وہ توانائی اور تیل کے مراکز پر حملوں کی بات کر چکے ہیں۔
رپورٹس میں بعض مقامات پر حملوں کا ذکر بھی کیا گیا ہے، جبکہ خطے کے دیگر ممالک کے اہم پلوں کا حوالہ بھی سامنے آیا ہے۔ دوسری جانب بین الاقوامی قانون کے ماہرین نے خبردار کیا ہے کہ ایسے حملے جنگی جرائم کے زمرے میں آ سکتے ہیں۔