تربت میں گرین پیپلز بس سروس شروع

بلوچستان کے شہر تربت میں گرین پیپلز بس سروس کا باقاعدہ آغاز کر دیا گیا۔ وزیرِ اعلیٰ بلوچستان سرفراز بگٹی نے سرکٹ ہاؤس تربت میں بس چلا کر اس ٹرانسپورٹ منصوبے کا افتتاح کیا۔

حکام کے مطابق جدید سہولتوں سے لیس بسوں میں تقریباً 100 مسافروں کی گنجائش ہے اور ابتدائی مرحلے میں شہر میں 4 بسیں چلائی جا رہی ہیں جبکہ 18 بس اسٹیشن قائم کیے جا رہے ہیں۔ وزیرِ اعلیٰ نے کہا کہ اس سروس سے روزانہ 4500 سے زائد شہری فائدہ اٹھا سکیں گے اور خواتین کے لیے جلد پنک بس سروس بھی متعارف کرائی جائے گی۔