پاکستانی نژاد اسکاٹش کرکٹر نیما شیخ نے تاریخ رقم کر دی، وہ اسکاٹ لینڈ کی پہلی کرکٹر بن گئی ہیں جنہیں “وننگ اسٹوڈنٹس 100 اسکاٹ لینڈ نیشنل اسپورٹس اسکالرشپ” سے نوازا گیا ہے۔
نیما شیخ کا کہنا ہے کہ یہ ان کے لیے بڑے فخر کی بات ہے کہ وہ مرد و خواتین کرکٹرز میں پہلی ہیں جنہوں نے یہ اعزاز حاصل کیا۔ گلاسکو یونیورسٹی میں اکاؤنٹینسی اور فنانس کی طالبہ نیما 2023 میں اسکاٹ لینڈ کے لیے ڈیبیو کر چکی ہیں اور اب تک دو ون ڈے اور سات ٹی ٹوئنٹی میچز کھیل چکی ہیں۔
اس پروگرام کے تحت 31 مختلف کھیلوں سے تعلق رکھنے والے 105 طلبا کو تعلیم اور کھیل دونوں میں کامیابی کے لیے معاونت فراہم کی جائے گی۔