رمضان المبارک کے تیسرے جمعہ کے موقع پر پنجاب میں سیکیورٹی سخت کر دی گئی ہے۔ صوبے بھر میں 83 ہزار سے زائد پولیس افسران اور اہلکار ڈیوٹی پر تعینات ہیں۔ آئی جی پنجاب عبد الکریم نے ہدایت دی ہے کہ مساجد، عبادت گاہوں، قونصل خانوں اور دیگر حساس مقامات کی حفاظت یقینی بنائی جائے۔ پولیس کو مشکوک افراد پر نظر رکھنے اور سی سی ٹی وی کیمروں کے ذریعے نگرانی مؤثر بنانے کا بھی حکم دیا گیا ہے، جبکہ بین الصوبائی چیک پوسٹوں پر تعینات اہلکاروں کو بھی مکمل الرٹ رہنے کی ہدایت دی گئی ہے۔
