اسلام آباد (ڈیلی پاکستان آن لائن) – الیکشن کمیشن آف پاکستان نے اسلام آباد بلدیاتی انتخابات میں تاخیر کے معاملے پر وفاقی وزیر داخلہ کو ذاتی حیثیت میں طلب کر لیا ہے۔
نجی ٹی وی جیو نیوز کے مطابق اسلام آباد میں بلدیاتی انتخابات میں تاخیر کے معاملے پر سماعت ہوئی، جس کی صدارت چیف الیکشن کمشنر سکندر سلطان راجہ نے کی۔ ۵ رکنی بینچ نے سماعت کی، اور چیف کمشنر اسلام آباد علی رندھاوا الیکشن کمیشن میں پیش ہوئے۔
الیکشن کمیشن نے وفاقی وزیر داخلہ کو ذاتی حیثیت میں طلب کیا اور سیکرٹری داخلہ کو توہین الیکشن کمیشن کا نوٹس جاری کر دیا۔