صدر آصف علی زرداری نے سری لنکا کے یومِ آزادی پر اپنے پیغام میں کہا کہ یہ دن قومی یکجہتی، وقار اور حوصلے کی علامت ہے۔ انہوں نے سری لنکن قیادت اور عوام کو مبارکباد دیتے ہوئے دونوں ملکوں کی دیرینہ دوستی کو مضبوط اور قابلِ اعتماد قرار دیا۔
صدر نے خطے میں تعاون کی اہمیت اجاگر کرتے ہوئے کہا کہ جنوبی ایشیا میں امن و ترقی کے لیے مشترکہ کوششیں ضروری ہیں۔ انہوں نے سارک کے کردار کو سراہا اور علاقائی تعاون کے فروغ پر زور دیا۔ صدر زرداری نے امید ظاہر کی کہ پاکستان اور سری لنکا کے برادرانہ تعلقات مستقبل میں مزید وسعت اختیار کریں گے۔