پاکستان اور کینیڈا کے وزرائے خارجہ کے درمیان ٹیلیفونک گفتگو ہوئی، جس میں دوطرفہ تجارت، سرمایہ کاری اور اقتصادی تعاون کے فروغ پر اتفاق کیا گیا۔
دفترِ خارجہ کے مطابق دونوں رہنماؤں نے زراعت اور معدنیات کے شعبوں میں شراکت بڑھانے اور فارن انویسٹمنٹ پروموشن اینڈ پروٹیکشن معاہدے کے تحت تعاون پر تبادلہ خیال کیا۔
کینیڈین وزیرِ خارجہ نے پاکستانی مارکیٹ تک کینولا ایکسپورٹس کی اجازت دینے پر شکریہ ادا کیا، جبکہ دونوں ممالک نے مستقبل میں قریبی رابطہ برقرار رکھنے کے عزم کا اظہار کیا۔