کمانڈنٹ فیڈرل کانسٹیبلری محمد ریاض نذیر گاڑا نے وضاحت کی ہے کہ ایف سی کا نام تبدیل کرنے سے خیبرپختونخوا کے حق پر کوئی اثر نہیں پڑے گا۔ انہوں نے کہا کہ ایف سی بدستور موجود رہے گی، صرف 3,900 اہلکاروں پر مشتمل ایک نیا یونٹ قائم کیا جا رہا ہے جو نئی ذمہ داریاں نبھائے گا۔
انہوں نے مزید بتایا کہ یہ یونٹ چاروں صوبوں سے نفری لے گا اور فورس کی تنظیم نو سے کمانڈ اسٹرکچر مضبوط ہوگا۔ ایف سی پہلے کی طرح دہشت گردی کے خلاف پاک فوج کے ساتھ خدمات سرانجام دیتی رہے گی۔