سعودی عرب، ترکیہ، قطر، مصر، اردن، متحدہ عرب امارات، انڈونیشیا اور پاکستان نے امریکی صدر کے پیش کردہ غزہ امن منصوبے کی حمایت کردی۔
عرب میڈیا کے مطابق وزرائے خارجہ نے جنگ بندی، غزہ کی تعمیر نو، فلسطینیوں کی بحالی اور یرغمالیوں کی رہائی کے لیے دیے گئے اقدامات کو مثبت قرار دیا۔ منصوبے میں حماس کے غیر مسلح ہونے، 72 گھنٹے کی ڈیڈلائن اور عارضی امن فورس کی تعیناتی بھی شامل ہے۔
امریکی صدر ٹرمپ کی سربراہی میں ایک عارضی اتھارٹی تشکیل دینے کی تجویز دی گئی ہے جس میں سابق برطانوی وزیراعظم ٹونی بلیئر کا کردار بھی شامل ہوگا۔