آسٹریلیا میں 17 سالہ کرکٹر بین آسٹن پریکٹس سیشن کے دوران گردن پر گیند لگنے سے جان کی بازی ہار گئے۔
کرکٹ وکٹوریہ کے مطابق واقعہ میلبرن ایسٹ میں پیش آیا، جہاں تھروئنگ ڈیوائس سے پھینکی گئی گیند ان کی گردن پر لگی۔ بین آسٹن کو تشویشناک حالت میں اسپتال منتقل کیا گیا مگر وہ جانبر نہ ہو سکے۔
حکام کے مطابق نوجوان کھلاڑی نے ہیلمٹ تو پہنا ہوا تھا مگر اس میں گردن کا حفاظتی اسٹم گارڈ موجود نہیں تھا۔ بتایا گیا کہ حادثہ اسی نوعیت کا تھا جیسا 11 سال قبل فلپ ہیوز کے ساتھ پیش آیا تھا۔
کرکٹ آسٹریلیا، کلب انتظامیہ اور اہل خانہ نے اس افسوسناک واقعے پر گہرے دکھ کا اظہار کیا ہے۔