مملکت کے حدود الشمالیہ ریجن میں فالکن فیسٹیول کے دسویں ایڈیشن کا آغاز ہو گیا ہے، جس میں 700 سے زائد شرکا شامل ہیں۔ مقابلے اٹھارہ راونڈز پر مشتمل ہیں اور جیتنے والوں کے لیے مجموعی طور پر ایک ملین ریال کے انعامات رکھے گئے ہیں۔
پانچ روزہ فیسٹیول میں ثقافتی، تعلیمی اور تفریحی پروگرامز کے ساتھ شاعری کی شام، میوزیکل پرفارمنس اور کاٹیج انڈسٹری سے وابستہ فیملیز کے لیے سرگرمیاں بھی شامل ہیں۔
فالکنری کا یہ فن عربی ثقافت اور صحرائی زندگی سے جڑا ہوا ہے اور شمالی و مشرقی علاقوں کے رہائشی اس میں مہارت رکھتے ہیں۔