کینیڈا میں سرگرم بھارتی گینگ لارنس بشنوئی نے بھارتی نژاد صنعتکار درشن سنگھ سہاسی کے قتل اور پنجابی گلوکار چھنی نتن کے گھر پر فائرنگ کی ذمہ داری قبول کر لی ہے۔ رپورٹس کے مطابق، صنعتکار کو بھتہ نہ دینے پر نشانہ بنایا گیا۔
یہ واقعات اُس وقت پیش آئے جب راجستھان پولیس نے گینگ کے ایک اہم رکن جگدیپ سنگھ عرف جگا کو امریکا میں گرفتار کیا۔ حملہ آوروں کو دونوں وارداتوں کے بعد موقع سے فرار ہوتے دیکھا گیا۔
گینگ کے رکن گولڈی ڈھلون نے سوشل میڈیا پر پیغام دیتے ہوئے کہا کہ جو بھی گلوکار سردار کھیرا کے ساتھ کام کرے گا، اسے اسی انجام کا سامنا کرنا پڑے گا۔
لارنس بشنوئی گینگ کینیڈا کی دہشت گرد تنظیموں کی فہرست میں شامل ہے اور اس کے 700 سے زائد شوٹرز مختلف ممالک میں سرگرم ہیں۔ یہ گینگ سدھو موسے والا کے قتل اور سلمان خان کو دھمکی دینے جیسے متعدد ہائی پروفائل کیسز میں ملوث رہا ہے۔