ضلع جامشورو کی تحصیل تھانو بلا خان کے علاقے یو سی مول میں ڈائریا کی وبا پھوٹ پڑی، جس سے 9 افراد جان کی بازی ہار گئے۔ جاں بحق ہونے والوں میں سے 7 کا تعلق گوٹھ فیض محمد برو جبکہ 2 کا قریبی گاؤں سے ہے۔
محکمہ صحت کے مطابق متاثرہ گاؤں میں صورتِ حال زیادہ تر قابو میں ہے، تاہم دیگر دیہات میں نئے کیسز رپورٹ ہو رہے ہیں۔
اسسٹنٹ کمشنر کے مطابق متاثرین کو عارضی طور پر ٹینکرز کے ذریعے پانی فراہم کیا جا رہا ہے جبکہ مستقل حل کی ضرورت ہے۔ علاقہ مکینوں نے شکایت کی ہے کہ وہاں صرف ایک ڈسپنسری موجود ہے اور قریبی اسپتال کافی دور ہے۔
جامشورو میں ڈائریا کی وبا، 9 افراد جاں بحق
