سعودی عرب مصنوعی ذہانت میں تیزی سے عالمی مقام حاصل کر رہا ہے

ریاض میں ہونے والی ایک ٹیکنالوجی کانفرنس میں سعودی عرب میں مصنوعی ذہانت (AI) کی بڑھتی ہوئی ترقی اور ملک کے ڈیجیٹل وژن کو اجاگر کیا گیا۔ کانفرنس میں سرکاری اہلکار، کاروباری رہنما اور ٹیکنالوجی کے ماہرین شریک ہوئے اور بتایا کہ AI نہ صرف صنعت میں انقلاب لا رہی ہے بلکہ سعودی وژن 2030 کے مطابق معیشت میں تنوع اور ڈیجیٹل ترقی کی رفتار بھی تیز کر رہی ہے۔

سعودی ٹیلی کام کمپنی ایس ٹی سی کے نائب صدر سعود الشریحی کے مطابق، مملکت میں ڈیجیٹل معیشت کا حصہ قومی پیداوار کا 16 فیصد سے زیادہ ہے اور سعودی عرب کو عالمی مرکز برائے جدت اور اختراع بنانے کا عزم ہے۔ رچرڈ سمتھ نے بتایا کہ سعودی عرب میں مصنوعی ذہانت پر 2030 تک 40 بلین ڈالر سے زیادہ سرمایہ کاری کی جا رہی ہے اور یہ سرمایہ کاری مستقبل میں دگنی ہونے کی توقع ہے۔

ماہرین کا کہنا ہے کہ AI اب محض تجرباتی مرحلے سے آگے نکل کر ایسے کاروباری حل فراہم کر رہی ہے جو قابلِ پیمائش ہیں اور دنیا بھر کے ادارے سرمایہ کاری سے حاصل ہونے والے فوائد پر توجہ دے رہے ہیں۔