بھارتی ریاست کرناٹک کے ضلع دیواناگیری میں ایک کسان سید نور کی مرغی نے اچانک نیلا انڈہ دے کر سب کی توجہ حاصل کرلی۔ گاؤں کے لوگ انوکھا انڈہ دیکھنے کے لیے بڑی تعداد میں پہنچ گئے۔
نور کے مطابق اس کی دسوں مرغیاں ہمیشہ سفید انڈے دیتی ہیں، لیکن پہلی بار ایک مرغی نے نیلا انڈہ دیا ہے۔ ماہرین کے مطابق یہ تبدیلی عموماً بلویورڈن نامی رنگ دار مادہ کی وجہ سے ہوتی ہے، جو انڈے کے خول کو نیلا کر دیتا ہے۔
ویٹرنری ماہرین کا کہنا ہے کہ اس کی وجہ یا تو جینیاتی تبدیلی ہو سکتی ہے یا پھر خوراک کے اثرات، جبکہ دنیا میں یہ خاصیت عام طور پر صرف چند مخصوص نسلوں کی مرغیوں میں پائی جاتی ہے۔