’اثرا ونٹر‘ میں آرٹ، موسیقی اور تفریح کا حسین امتزاج

الخبر میں واقع کنگ عبدالعزیز سینٹر برائے عالمی ثقافت (اثرا) نے موسمِ سرما کو یادگار بنانے کے لیے ’اثرا ونٹر‘ پروگرام کا اعلان کیا ہے جو 29 اکتوبر سے اگلے سال اپریل تک جاری رہے گا۔ اس دوران اہلِ خانہ اور سیاحوں کو موسیقی، آرٹ، ڈرون شوز اور لائیو پرفارمنسز سے بھرپور تفریحی ماحول فراہم کیا جائے گا۔

سیزن میں ایک ہزار ڈرون شو، انٹرایکٹیو ورکشاپس، سردیوں کا بازار، لذیذ کھانوں کے اسٹالز اور سعودی فنکاروں کی پرفارمنس شامل ہوگی۔ 30 اکتوبر کو سعودی فنکاروں کی نمائش “گھر” کے عنوان سے منعقد ہوگی، جبکہ مشہور پروگرام ’تنوین‘ بھی 17 نومبر سے شروع ہوگا۔

اثرا بلڈنگ میں داخلہ مفت ہوگا، تاہم بعض خصوصی تقریبات کے لیے ٹکٹ درکار ہوں گے۔ مزید تفصیلات اور شیڈول کے لیے مرکز کی ویب سائٹ اور سوشل میڈیا اکاؤنٹس پر معلومات فراہم کی جائیں گی۔