متحدہ عرب امارات کے دورے کے دوران صدر آصف علی زرداری کی ابوظہبی پورٹس گروپ کے نمائندوں سے ملاقات میں دوطرفہ تجارتی تعلقات کو مزید وسعت دینے پر اتفاق کیا گیا۔ گفتگو میں خاص طور پر کراچی پورٹ کی توسیع اور بندرگاہی شعبے میں باہمی تعاون بڑھانے پر زور دیا گیا۔
فریقین نے جدید بندرگاہی انفراسٹرکچر اور پورٹس کی استعداد بڑھانے کے لیے مشترکہ حکمت عملی اپنانے پر بھی تبادلہ خیال کیا۔ صدر زرداری نے پاکستان میں ابوظہبی پورٹس کے کردار کو سراہتے ہوئے اسلام آباد میں اس کے دفتر کے قیام کو خوش آئند قرار دیا۔ ملاقات میں پاکستان میں اماراتی سرمایہ کاری اور سمندری تجارت کے فروغ کے امکانات بھی زیر بحث آئے، اور اس شعبے میں شراکت داری مضبوط بنانے کے عزم کا اعادہ کیا گیا۔