نواز لیگ کو اقتدار دلانے والوں کا بھی حساب ہونا چاہیے، شوکت یوسفزئی

پی ٹی آئی رہنما شوکت یوسفزئی نے کہا ہے کہ اگر نواز شریف یہ مطالبہ کرتے ہیں کہ بانیٔ پی ٹی آئی کو اقتدار میں لانے والوں کا احتساب ہو، تو پھر یہ بھی دیکھا جائے کہ مسلم لیگ (ن) کو حکومت دلانے میں کس کا کردار تھا۔

انہوں نے کہا کہ احتساب سب کے لیے ہونا چاہیے، کسی ایک جماعت یا فرد تک محدود نہیں رہنا چاہیے۔

یہ بیانات اس وقت سامنے آئے ہیں جب حالیہ سیاسی گفتگو میں مختلف رہنماؤں نے پی ٹی آئی کے ماضی میں مضبوط ہونے میں کردار ادا کرنے والے عناصر کے احتساب کی بات کی ہے، جبکہ نواز شریف بھی اپنی تقریر میں کہہ چکے ہیں کہ صرف بانیٔ پی ٹی آئی نہیں، انہیں لانے والے بھی جوابدہ ہیں۔