رحیم یار خان میں قانون نافذ کرنے والے اداروں کو بڑی کامیابی ملی ہے جہاں بدنام زمانہ ڈاکو چھوٹو کوش نے اپنے 21 ساتھیوں سمیت پولیس کے سامنے ہتھیار ڈال دیے۔
ڈی پی او عرفان علی سموں کے مطابق چھوٹو کوش کے سر کی قیمت 25 لاکھ روپے مقرر تھی۔ حکام کا کہنا ہے کہ حالیہ کارروائیوں کے نتیجے میں مجموعی طور پر 106 ڈاکو سرنڈر کر چکے ہیں۔
پولیس کے مطابق سرنڈر کرنے والے افراد میں ایسے ملزمان بھی شامل ہیں جن کے سروں کی قیمت 25 لاکھ سے ایک کروڑ روپے تک مقرر تھی، اور مزید تفتیش کا عمل جاری ہے۔