ابہا انٹرنیشنل ایئرپورٹ عالمی سطح پر وقت کی پابندی میں تیسرے نمبر پر

ابہا انٹرنیشنل ایئرپورٹ نے اکتوبر 2025 میں پروازوں کے وقت کی پابندی کے حوالے سے عالمی سطح پر تیسرے نمبر کا مقام حاصل کیا، جہاں اس کی پابندی کی شرح 92.40 فیصد رہی۔ یہ کامیابی ایئرپورٹ کی عملی کارکردگی اور مسافروں کو فراہم کی جانے والی خدمات کے معیار میں بہتری کی عکاس ہے۔
نئے ماسٹر پلان کے تحت ایئرپورٹ کی ٹرمینلز کا رقبہ 65 ہزار مربع میٹر ہوگا، سالانہ مسافرانہ گنجائش 13 ملین تک بڑھ جائے گی اور پروازوں کی تعداد 90 ہزار سے تجاوز کرے گی۔ نئی سہولیات میں جدید ایئر بریجز اور خودکار سروسز بھی شامل ہوں گی، جبکہ منفرد طرز تعمیر اسے عسیر کے لیے نمایاں قومی علامت بنائے گا۔