پاکستانی فاسٹ بولر نسیم شاہ ایک بار پھر اپنے سادہ اور خوش مزاج انداز کی وجہ سے سوشل میڈیا پر توجہ کا مرکز بن گئے۔ حال ہی میں ٹرائی سیریز کے ایک میچ کے بعد جب ایک مداح نے ان سے سیلفی لینے کی درخواست کی، تو نسیم نے ہنستے ہوئے کہا کہ “یار، گھر سے ڈانٹ پڑے گی، قَسم سے سچ بتا رہا ہوں، میرے ابو بہت ڈانٹتے ہیں۔”
ان کا یہ معصومانہ جواب اسٹینڈ میں موجود شائقین کو بھی ہنسنے پر مجبور کر گیا اور ویڈیو سوشل میڈیا پر تیزی سے وائرل ہو گئی۔ مداحوں نے ان کے عاجزانہ اور سادہ مزاج کی تعریف کی اور کہا کہ یہ سادگی ہمیشہ برقرار رہے۔
نسیم شاہ کا مداح کو معصومانہ جواب وائرل—سوشل میڈیا پر مداح خوش
