لاہور قلندرز کے اوپننگ بیٹر محمد نعیم کا کہنا ہے کہ ان کا سب سے بڑا مقصد ٹیم کو جتوا کر دوبارہ چیمپئن بنانا ہے۔ ’جیو نیوز‘ سے بات کرتے ہوئے انہوں نے بتایا کہ پی ایس ایل 11 میں وہ گزشتہ سیزن کی کارکردگی کو بہتر بنانے کی پوری کوشش کریں گے۔
محمد نعیم نے کہا کہ لاہور قلندرز کا کمبی نیشن مضبوط اور متوازن ہے، جہاں نئے اور مرکزی کھلاڑی اچھے سے گھل مل گئے ہیں۔ انہوں نے بولنگ میں مستفیض الرحمان کے شامل ہونے کو ٹیم کے لیے فائدہ مند قرار دیا۔
ان کا کہنا تھا کہ ذاتی کارکردگی سے زیادہ اہمیت ٹیم کی جیت کو حاصل ہے، اور ان کا ہدف ٹیم کو دوبارہ ٹرافی جتوا کر شائقین کو خوش کرنا ہے۔