سینئر اداکارہ نشو بیگم اور ان کی بیٹی صاحبہ کے تعلقات میں دوری کے بعد دوبارہ گرم جوشی پیدا ہوگئی ہے۔ یہ صلح نشو بیگم کے نئے لائیو شو کے دوران ہوئی، جب صاحبہ اچانک اپنی والدہ کے کچن میں داخل ہوئیں اور انہیں گلے لگا لیا۔
نشو بیگم نے کہا کہ بیٹی سے ملاقات کے بعد وہ خود کو دوبارہ جوان اور توانائی سے بھرپور محسوس کر رہی ہیں اور بچوں کی محبت سے ان کی زندگی میں خوشی اور حوصلہ آیا ہے۔ صاحبہ نے بھی کہا کہ انسان کو اپنی خواہش کے مطابق زندگی گزارنی چاہیے، چاہے لوگ کچھ بھی کہیں۔
مداحوں نے اس ملاقات پر خوشی کا اظہار کیا اور وی لاگ پر دعاؤں اور نیک تمناؤں کے کمنٹس کیے۔ یاد رہے کہ 2024 میں صاحبہ نے پہلی بار اپنے حقیقی والد سے ملاقات کی تھی، جس کے بعد بیٹی اور والدہ کے تعلقات میں سردمہری دیکھنے میں آئی تھی۔