وفاقی وزیر احسن اقبال نے جدہ میں یومِ پاکستان کی تقریب سے خطاب کرتے ہوئے فوجی قیادت اور سیکیورٹی فورسز کی کارکردگی کی تعریف کی۔ ان کا کہنا تھا کہ ملکی دفاع مضبوط ہاتھوں میں ہے اور افواجِ پاکستان سرحدوں کے تحفظ کے لیے بھرپور کردار ادا کر رہی ہیں۔ انہوں نے جوانوں کی قربانیوں کو خراجِ تحسین پیش کیا اور کہا کہ حکومت ترقیاتی ایجنڈے پر دوبارہ کام تیز کر رہی ہے، جبکہ بیرونِ ملک مقیم پاکستانی بھی ملک کی خدمت میں اہم کردار ادا کر رہے ہیں۔
