ماحولیات کے ماہرین کے مطابق سمندری گائے (ڈوگونگ) معدومی کے خطرے سے دوچار ہے، تاہم سعودی عرب میں اس کے تحفظ کے لیے نمایاں اقدامات کیے جا رہے ہیں۔
بحیرۂ احمر اور خلیج عرب کے ساحل اس نایاب آبی جانور کی محفوظ پناہ گاہ ہیں جہاں یہ سمندری گھاس پر گزارہ کرتا ہے۔ نیشنل سینٹر فار وائلڈ لائف سیٹیلائٹ کے ذریعے ان کی نقل و حرکت پر نظر رکھے ہوئے ہے اور طویل المدتی تحقیقی منصوبے بھی جاری ہیں۔
حکام کا کہنا ہے کہ یہ مخلوق آبی حیات کے ماحولیاتی توازن میں اہم کردار ادا کرتی ہے، اسی لیے اسے بچانے کیلئے عوامی شعور بیدار کرنے کی مہم بھی چلائی جا رہی ہے۔