22 جولائی کو ایکسچینج کمپنیوں کے نمائندوں نے ڈی جی آئی ایس آئی میجر جنرل فیصل نصیر سے ملاقات کی، جس میں ڈالر کی بڑھتی قیمت پر تبادلہ خیال ہوا۔ چیئرمین ای کیپ ملک بوستان کے مطابق، ڈالر افغانستان اور ایران اسمگل ہو رہا ہے اور بلیک مارکیٹ میں مہنگے داموں فروخت کیا جا رہا ہے، جس سے قانونی مارکیٹ میں قلت پیدا ہو گئی ہے۔ انہوں نے ایف بی آر کے نئے قانون کو بھی قیمتوں میں اضافے کی ایک وجہ قرار دیا۔
