سعودی عرب میں ٹرین سفر کا نیا ریکارڈ، 36.5 ملین افراد نے سہ ماہی میں سفر کیا

سعودی عرب میں اپریل سے جون 2025 کے دوران ریلوے نظام سے 36.5 ملین افراد نے استفادہ کیا، جو پچھلی سہ ماہی سے ایک ملین زیادہ ہے۔ ریاض میٹرو نے تمام سروسز میں سبقت حاصل کی، جبکہ جدہ ایئرپورٹ کے آٹومیٹڈ پیپل موور سے 7.7 ملین افراد نے سفر کیا۔
انٹرسٹی ریل کے ذریعے 2.67 ملین افراد نے شہروں کے درمیان سفر کیا، جب کہ ریل کارگو کے ذریعے 4.08 ملین ٹن سامان اور 2.32 لاکھ کنٹینرز کی ترسیل کی گئی۔
حکام کے مطابق، ریلوے نظام نہ صرف سفر کو محفوظ و آسان بناتا ہے بلکہ ماحولیاتی تحفظ اور معیارِ زندگی میں بہتری کے لیے بھی اہم کردار ادا کر رہا ہے۔