پاکستانی اسپنر آصف آفریدی نے بتایا کہ جب کپتان نے ڈیبیو کی اطلاع دی تو خوشی سے پوری رات نیند نہیں آئی۔ انہوں نے کہا کہ کوشش یہی تھی کہ ڈومیسٹک کرکٹ کی طرح درست لائن پر بولنگ کروں، اللہ کا شکر ہے اچھی کارکردگی رہی۔
آصف آفریدی نے بتایا کہ ان کی بیٹی اسپیشل چائلڈ ہے اور اسپتال میں داخل ہے، اگر پاکستان میچ جیت گیا تو وہ اپنی کارکردگی بیٹی کے نام کریں گے۔
واضح رہے کہ آصف آفریدی نے جنوبی افریقہ کے خلاف اپنے پہلے ٹیسٹ میں 6 وکٹیں حاصل کر کے 92 سالہ ریکارڈ توڑ دیا اور ٹیسٹ ڈیبیو پر 5 وکٹیں لینے والے معمر ترین پاکستانی بولر بن گئے۔