پنجاب کے مختلف شہروں میں اسموگ کی شدت میں اضافہ

لاہور سمیت صوبے کے متعدد علاقوں میں فضائی آلودگی کی سطح تشویشناک حد تک بڑھ گئی ہے۔ ماحولیاتی جائزوں کے مطابق گوجرانوالہ میں آلودگی کی شرح سب سے زیادہ 658 ریکارڈ کی گئی، جبکہ رحیم یار خان میں 351، فیصل آباد میں 272 اور لاہور میں 252 تک پہنچ گئی۔

لاہور میں آئندہ 24 گھنٹوں کے دوران ہلکی بارش یا بوندا باندی کا امکان ظاہر کیا گیا ہے، جس سے فضا میں بہتری کی توقع کی جا رہی ہے۔

دوسری جانب حدِ نگاہ بہتر ہونے کے بعد موٹر وے ایم 2 کو لاہور سے کوٹ مومن تک، ایم 11 کو لاہور سے سیالکوٹ تک اور ایم 3 کو فیض پور سے جڑانوالہ تک ٹریفک کے لیے دوبارہ کھول دیا گیا ہے۔