کراچی میں مارچ کے دوسرے ہفتے سے موسم گرم ہونے کا امکان ظاہر کیا گیا ہے۔ محکمۂ موسمیات کے مطابق آنے والے دنوں میں زیادہ سے زیادہ درجۂ حرارت 30 سے 32 ڈگری سینٹی گریڈ تک جا سکتا ہے۔
شہر اور گردونواح میں سمندری ہوائیں بحال ہونے کے باعث ہوا میں نمی بڑھے گی، جس سے بعض علاقوں میں ہلکی دھند بھی دیکھنے میں آ سکتی ہے۔ تاہم فی الحال بارش کی کوئی توقع نہیں ہے۔
ادھر ملک کے بالائی حصوں میں فروری کے اختتام اور مارچ کے آغاز پر بارش کی پیشگوئی کی گئی ہے۔