اے سی سی کے صدر محسن نقوی سالانہ جنرل میٹنگ کے لیے ڈھاکا، بنگلادیش پہنچ گئے، جہاں بنگلادیش کرکٹ بورڈ کے سربراہ آمین الاسلام نے ان کا استقبال کیا۔
یہ میٹنگ 24 جولائی کو ہوگی جس میں ایشیا کپ کے شیڈول اور میزبان ملک کا فیصلہ متوقع ہے۔
اے سی سی آج شرکاء کے اعزاز میں عشائیہ بھی دے گی۔
دوسری جانب بھارت نے میٹنگ میں شرکت کی تصدیق نہیں کی، نہ ہی ویڈیو لنک کے ذریعے شرکت کا عندیہ دیا ہے۔ بھارتی میڈیا کے مطابق بنگلادیش کی سیاسی صورتحال کے باعث بھارت اجلاس سے الگ رہنے پر غور کر رہا ہے۔