ایشیا کپ 2025ء کے سپر فور مرحلے میں پاکستان کے فاسٹ بولر حارث رؤف نے بھارتی شائقین کو منفرد اشاروں سے جواب دے کر سب کی توجہ حاصل کر لی۔
باؤنڈری پر فیلڈنگ کے دوران انہوں نے 0-6 کا اشارہ بنایا اور پھر ہاتھ سے جہاز گرنے کی اداکاری کی، جسے شائقین نے پاک فضائیہ کی بھارت کے رافیل طیارے مار گرانے کی کامیابی سے جوڑ دیا۔ بھارتی نعرے بازی کے دوران حارث کبھی کان بند کرنے کا اشارہ کرتے تو کبھی دھول اڑا کر جواب دیتے رہے۔
سوشل میڈیا پر یہ مناظر وائرل ہوگئے، پاکستانی مداحوں نے انہیں “رافیل ہنٹر” کا لقب دیا جبکہ بھارتی شائقین برہم نظر آئے۔