اداکارہ مومنہ اقبال کی شادی کی تاریخ سامنے آ گئی ہے، جس کی تصدیق ان کی بہن رمشا اقبال نے بھی کر دی ہے۔ سوشل میڈیا پر گردش کرنے والی خبروں کے مطابق اداکارہ کا نکاح یکم جون کو انجام پائے گا۔
رپورٹس کے مطابق مومنہ اقبال اس وقت اپنی نجی زندگی میں بعض مشکلات کا سامنا بھی کر رہی ہیں، جن میں دھمکیوں سے متعلق ایک معاملہ بھی شامل ہے جس پر پولیس نے کارروائی شروع کر دی ہے۔
ان کی بہن رمشا اقبال کے مطابق اس کیس میں قانونی پیشرفت جاری ہے اور خاندان کو سیکیورٹی بھی فراہم کی گئی ہے۔ انہوں نے بتایا کہ مومنہ اقبال کا نکاح محمد حمزہ حبیبی سے طے پایا ہے، جو مکمل طور پر خاندانی رضامندی سے ہو رہا ہے۔