برطانوی وزیر خارجہ یوویٹ کوپر نے اسرائیلی حراست میں فلوٹیلا کارکنوں کی ویڈیو پر شدید ردعمل دیتے ہوئے کہا ہے کہ یہ مناظر انسانی وقار اور احترام کے بنیادی اصولوں کے خلاف ہیں۔
یورپی کمیشن نے بھی اسرائیلی رویے کو ناقابل قبول قرار دیتے ہوئے مطالبہ کیا کہ امدادی کارکنوں اور یورپی شہریوں کی حفاظت یقینی بنائی جائے۔
یورپی خارجہ پالیسی کی سربراہ کایا کلاس نے کہا کہ کارکنوں کو ہتھکڑیاں لگا کر زمین پر بٹھانا توہین آمیز عمل ہے۔
اٹلی، فرانس، کینیڈا اور ہالینڈ نے واقعے کی مذمت کرتے ہوئے اسرائیل سے معافی کا مطالبہ کیا، جبکہ جنوبی کوریا کے صدر نے اس اقدام کو اغوا قرار دیا ہے۔