مظفرگڑھ کی ایک بستی میں گزشتہ ایک ماہ کے دوران 9 کم عمر بچے بیماری کے باعث جان کی بازی ہار گئے۔ اہلِ علاقہ کے مطابق بچوں کو پہلے تیز بخار ہوتا، پھر منہ پر سوجن آجاتی اور چند دنوں میں حالت بگڑ جاتی۔ جاں بحق بچوں کی عمریں ڈیڑھ سے 6 سال کے درمیان تھیں۔
محکمۂ صحت کے مطابق متاثرہ اور فوت ہونے والے بچوں میں وائرل نمونیا کی تشخیص ہوئی ہے، جبکہ بروقت اسپتال نہ لے جانے کے باعث اموات میں اضافہ ہوا۔
صحت حکام کا کہنا ہے کہ علاقے میں اسکریننگ جاری ہے، 11 بیمار بچوں کو ڈی ایچ کیو اسپتال منتقل کیا گیا ہے اور 37 بچوں کی ویکسینیشن بھی مکمل کر لی گئی ہے۔