شاہد آفریدی نے برمنگھم میں پاک بھارت لیجنڈز میچ کی منسوخی پر افسوس کا اظہار کرتے ہوئے کہا کہ کھیل کو سیاست سے دور رکھنا چاہیے۔ انہوں نے کہا کہ ایک کھلاڑی کو ملک کا نمائندہ ہونا چاہیے، شرمندگی کا باعث نہیں۔
آفریدی نے بھارتی ٹیم کے آخری لمحے میں پیچھے ہٹنے پر تنقید کی اور کہا کہ اگر کھیلنا نہیں تھا تو پہلے ہی انکار کر دیتے۔ انہوں نے کہا کہ ایک آدھ شخص کی وجہ سے پوری ٹیم کی ساکھ متاثر ہوتی ہے۔
واضح رہے کہ یووراج سنگھ، رائنا، ہربھجن، عرفان اور دھون کی جانب سے میچ نہ کھیلنے کے فیصلے کے بعد میچ منسوخ کر دیا گیا تھا۔