لاہور میں جمعۃ المبارک کے موقع پر سیکیورٹی ہائی الرٹ رہے گی۔ سی سی پی او لاہور بلال صدیق کے مطابق نمازِ جمعہ کے اختتام تک شہر بھر میں خصوصی حفاظتی اقدامات جاری رہیں گے۔
انہوں نے بتایا کہ نمازِ جمعہ کے اجتماعات، مارکیٹس اور دیگر عوامی مقامات پر اضافی پولیس نفری تعینات کی جا رہی ہے۔ اس کے ساتھ ساتھ سیف سٹیز کیمروں کے ذریعے شہر کی مسلسل نگرانی بھی کی جائے گی تاکہ امن و امان کی صورتحال برقرار رکھی جا سکے۔