امریکی گلوکارہ اور اداکارہ لیڈی گاگا نے بتایا ہے کہ کیریئر کے سنہری دور میں وہ شدید ذہنی دباؤ اور عدم استحکام کا شکار رہیں۔ 39 سالہ لیڈی گاگا کے مطابق شہرت اور مصروفیات کے بوجھ نے انہیں اس حد تک متاثر کیا کہ گھبراہٹ کے دوروں کے باعث انہیں اپنا ورلڈ ٹور بھی روکنا پڑا اور طبی امداد لینا پڑی۔
انہوں نے کہا کہ ایک وقت ایسا بھی آیا جب انہیں نفسیاتی علاج کے لیے اسپتال جانا پڑا، وہ مکمل طور پر ٹوٹ چکی تھیں اور سمجھتی تھیں کہ شاید کبھی بہتر نہ ہو سکیں۔
لیڈی گاگا نے اپنی بہتری کا کریڈٹ باقاعدہ تھیراپی اور اپنے منگیتر کی مسلسل سپورٹ کو دیا۔ ان کا کہنا تھا کہ اب وہ ذہنی طور پر زیادہ مضبوط ہیں اور اپنی ذہنی صحت کے لیے مستقل مدد لیتی رہتی ہیں۔