امریکی صدر ڈونلڈ ٹرمپ نے کہا ہے کہ بھارت ایک بار پھر پاکستان کے ساتھ جنگ چھیڑنے کے قریب تھا، جسے اُنہوں نے مداخلت کر کے روک دیا۔
وائٹ ہاؤس میں سعودی ولی عہد محمد بن سلمان سے گفتگو میں ٹرمپ نے دعویٰ کیا کہ اپنی مدت کے دوران انہوں نے دنیا میں آٹھ بڑی جنگیں ہونے سے بچائیں۔
ٹرمپ کے مطابق پاکستان اور بھارت کے درمیان کشیدگی بڑھ رہی تھی، لیکن اُن کی کوششوں سے صورتحال قابو میں آئی اور دونوں ممالک نے مثبت اقدامات کی طرف پیش قدمی کی۔ انہوں نے کہا کہ کئی تنازعات کو انہوں نے تجارتی حکمتِ عملی کے ذریعے ٹال دیا۔