برطانیہ میں گزشتہ سال ایک لاکھ 19 ہزار سے زیادہ گاڑیاں چوری ہوئیں، یعنی روزانہ اوسطاً 320 گاڑیاں۔ ماہرین کے مطابق چابی کے بغیر اسٹارٹ ہونے والی جدید گاڑیاں چوروں کے لیے آسان ہدف بن رہی ہیں، کیونکہ وہ خاص الیکٹرانک ڈیوائسز سے گاڑی کی چابی کا سگنل کاپی کرکے چند منٹ میں گاڑی چوری کر لیتے ہیں۔
حکومت نے اس بڑھتے مسئلے کے بعد ایسے آلات رکھنے یا شیئر کرنے کو غیرقانونی قرار دے دیا ہے، اور اب اس جرم پر 5 سال تک قید کی سزا ہوسکتی ہے۔