کراچی میں عید الفطر سے قبل انتظامیہ نے رش، ٹریفک اور پارکنگ مسائل پر قابو پانے کے ساتھ پیشہ ور بھکاریوں کے خلاف کارروائی کا فیصلہ کیا ہے۔ کمشنر کی زیر صدارت اجلاس میں مختلف محکموں کے تعاون سے ٹیمیں تشکیل دینے پر اتفاق کیا گیا۔ حکام کے مطابق مصروف بازاروں میں شکایات کے حل کے لیے کیمپ لگائے جائیں گے جبکہ بھکاریوں کو بحالی کے لیے این جی اوز کے حوالے کیا جائے گا۔ گزشتہ 10 دنوں میں 144 پیشہ ور بھکاریوں کو حراست میں لیا جا چکا ہے۔
