کوئٹہ کے علاقے درخشاں میں محکمہ انسدادِ دہشت گردی (سی ٹی ڈی) نے کارروائی کرتے ہوئے 8 دہشت گردوں کو ہلاک کر دیا۔
ترجمان سی ٹی ڈی کے مطابق کارروائی کے دوران فائرنگ کا تبادلہ ہوا، جس میں سی ٹی ڈی کے 3 اہلکار زخمی بھی ہوئے۔ زخمی اہلکاروں کو طبی امداد کے لیے قریبی اسپتال منتقل کر دیا گیا ہے۔
حکام کے مطابق ہلاک دہشت گردوں کے قبضے سے اسلحہ اور گولہ بارود برآمد کیا گیا ہے۔ ابتدائی اطلاعات کے مطابق دہشت گردوں کا تعلق ایک کالعدم تنظیم سے بتایا جا رہا ہے۔
سی ٹی ڈی کا کہنا ہے کہ علاقے میں سرچ آپریشن جاری ہے اور مزید تفتیش کی جا رہی ہے۔