سعودی عرب میں معیار زندگی میں نمایاں بہتری

کوالٹی آف لائف پروگرام سینٹر کی تازہ رپورٹ کے مطابق سعودی عرب میں معیار زندگی میں نئے بلندیوں کو چھو لیا گیا ہے۔ سروے میں سعودی شہریوں، مقیم غیرملکیوں اور زائرین کی آراء شامل ہیں اور پانچ بڑے شہروں ریاض، جدہ، الخبر، مدینہ منورہ اور ابھا میں سروے کیا گیا۔

رپورٹ میں دکھایا گیا کہ 2016 میں 12.3 فیصد بے روزگاری 2025 کی پہلی سہ ماہی میں 6.8 فیصد پر آگئی، جبکہ خواتین کی لیبر فورس میں شمولیت 36.4 فیصد تک بڑھ گئی ہے۔ اوسط عمر 74 برس سے بڑھ کر 79 برس ہوگئی اور سرمایہ کاری میں مسلسل اضافہ دیکھا گیا۔

سی ای او خالد البکر کا کہنا ہے کہ معیار زندگی کو بہتر بنانا قومی حکمت عملی کا حصہ ہے اور شہری، مقیم غیرملکی اور وزیٹرز سماجی، تفریحی اور اقتصادی فوائد سے مستفید ہو رہے ہیں۔