آسٹریلیا میں انتہا پسندی کے خلاف سخت اقدامات کا اعلان

آسٹریلوی وزیرِاعظم انتھونی البانیز نے نفرت، تقسیم اور بنیاد پرستی کے خلاف سخت کارروائی کا عندیہ دیا ہے۔ کینبرا میں میڈیا سے گفتگو کرتے ہوئے انہوں نے کہا کہ انتہا پسند نظریات پھیلانے والوں کے ویزے منسوخ کیے جائیں گے اور ایسے عناصر کے خلاف مزید مؤثر اقدامات کیے جائیں گے۔
یہ بیان سڈنی میں ایک یہودی تقریب پر ہونے والے مہلک حملے کے بعد سامنے آیا ہے، جس میں متعدد افراد ہلاک اور زخمی ہوئے تھے۔ وزیرِاعظم کا کہنا تھا کہ معاشرے کو نفرت اور تشدد سے بچانے کے لیے حکومت ہر ممکن قدم اٹھائے گی۔