سعودی عرب کے نیوم نیچر ریزرو میں دوبارہ آباد کیے گئے دھاری دار لگڑ بگڑ کے ایک جوڑے کے ہاں پہلے بچے کی پیدائش ہوئی ہے۔ حکام کے مطابق یہ کامیابی اس بات کی علامت ہے کہ جانور ریزرو کے قدرتی ماحول میں کامیابی سے گھل مل گئے ہیں اور افزائش نسل کر رہے ہیں۔ جنگلی حیات کے تحفظ کے پروگرام کے تحت دو جوڑوں کو طبی معائنے اور بحالی کے مراحل سے گزارنے کے بعد محفوظ قدرتی مسکن میں منتقل کیا گیا تھا۔ حکام کا کہنا ہے کہ اس اقدام سے اس نسل کی آبادی بحال کرنے اور ماحولیاتی نظام میں اس کے قدرتی کردار کو مضبوط بنانے میں مدد ملے گی۔
