پاکستان کی بین الاقوامی ویمن ہاکی امپائر بینش حیات نے چین میں انڈر 18 ایشیا کپ ویمنز فائنل کی نگرانی کر کے ایک اور اعزاز اپنے نام کر لیا۔ وہ اب تک 80 سے زائد انٹرنیشنل میچز میں امپائرنگ کرچکی ہیں جن میں کامن ویلتھ اور ایشین گیمز شامل ہیں۔ ان کا کہنا ہے کہ وہ اولمپکس میں پاکستان کی نمائندگی کا خواب رکھتی ہیں اور خواتین کو بھی امپائرنگ کے میدان میں آگے آنا چاہیے، بس محنت اور قوانین کی سمجھ ضروری ہے۔
